யாழ் விபத்தில் குடும்பஸ்தர் உயிரிழப்பு!

யாழில் இடம்பெற்ற விபத்தில் குடும்பஸ்தர் உயிரிழந்துள்ளார்.

இன்று (11) பிற்பகல் 3 மணியளவில் யாழ்ப்பாணம் பருத்தித்துறை பிரதான வீதியில் சிறுப்பிட்டி பகுதியில் இந்த விபத்து இடம்பெற்றது.

ஹைஏஸ் வாகனமும் மோட்டார் சைக்கிளும் மோதியதில் விபத்து இடம்பெற்றது. அச்சுவேலியைச் சேர்ந்த இரண்டு பிள்ளைகளின் தந்தையான எம்.திலீபன் (40) என்ற குடும்பத்தலைவரே விபத்தில் உயிரிழந்தார்.

யாழ்ப்பாணத்திலிருந்து பருத்தித்துறை நோக்கிப் பயணித்த வாகனமும் எதிரே பயணித்த மோட்டார் சைக்கிளும் மோதி விபத்து இடம்பெற்றது. விபத்தில் காயமடைந்த மோட்டார்சைக்கிளை செலுத்தி வந்த குடும்பஸ்தர் உடனடியாக, யாழ்ப்பாணம் போதனா வைத்தியசாலையில் சேர்க்கப்பட்ட போதும் அவர் உயிரிழந்தார்.

விபத்துடன் தொடர்புடைய வான் சாரதி கைது செய்யப்பட்டுள்ளார். மேலதிக விசாரணை முன்னெடுக்கப்பட்டு வருகிறது என்று அச்சுவேலிப் பொலிஸார் தெரிவித்தனர்.

உயிரிழந்தவர் பங்குச்சந்தை துறையில் பணியாற்றுவதாக குறிப்பிடப்படுகிறது.

Loading...

LEAVE A REPLY

Please enter your comment!
Please enter your name here