பிக் பாஸ் 2-வில் பவர் ஸ்டார்! – அதிகாரப்பூர்வ அறிவிப்பு

0

நடிக்கவே தெரியாது என்றாலும் பல படங்களில் நடித்துக் கொண்டிருப்பவர் பவர் ஸ்டார் சீனிவாசன். இவர் நடிக்கும் காமெடி காட்சிகளைப் பார்த்தால் நமக்கு சிரிப்பு வராது என்றாலும் இவரை கோடம்பாக்கம் காமெடி நடிகராக கொண்டாடிக் கொண்டு தான் இருக்கிறது.

இந்த நிலையில், விஜய் டிவியில் வரும் ஜூன் 17 ஆம் தேதி முதல் ஒளிபரப்பாக இருக்கும் ‘பிக் பாஸ் 2’ வில் பவர் ஸ்டார் பங்கேற்கப் போகிறாராம். இதை அவரே பேட்டி ஒன்றில் தெரிவித்துள்ளார்.

தற்போது பிக் பாஸ் நிகழ்ச்சி குழுவுக்கும், பவர் ஸ்டாருக்கும் இடையே பேச்சு வார்த்தை நடந்துக் கொண்டிருக்கிறதாம். இன்னும் இரண்டு நாட்களில் அக்ரிமெண்டில் கையெழுத்து போடப்போகிறாராம்.

எதற்காக பிக் பாஸில் பங்கேற்கிறீர்கள்? என்றதற்கு, “அந்த நிகழ்ச்சியில் கலந்துக்கொண்டால் பப்ளிசிடி கிடைக்கும், அது எனது கேரியருக்கு நல்லா இருக்கும்” என்று அப்பாவித்தனமாக கூறும் பவர் ஸ்டார் ‘முருங்கைக்காய்’ என்ற படத்தில் நடித்துக் கொண்டிருக்கிறாராம்.

LEAVE A REPLY

Please enter your comment!
Please enter your name here