UPDATE: தெரிவுக்குழு முன் சாட்சியமளிக்கமாட்டேன்; அலரிமாளிகையில் உருவாக்கப்பட்ட நாடகம் அது: ஜனாதிபதி அதிரடி!

நாடாளுமன்ற தெரிவுக்குழுவின் முன் சாட்சியமளிக்க மாட்டேன் என ஜனாதிபதி தெரிவித்துள்ளார். இன்று பத்திரிகை ஆசிரியர்களுடன் கலந்துரையாடலில் ஈடுபட்டுள்ள ஜனாதிபதி இதனை தெரிவித்தார்.

நாடாளுமன்ற தெரிவுக்குழுவின் முன் சாட்சியமளிக்க வருமாறு தனக்கு அழைப்பு விடுக்கப்படவில்லை, அழைப்பு விடுக்கப்பட்டாலும் அதில் முன்னிலையாகமாட்டேன், அது அலரி மாளிகையில் உருவாக்கப்பட்ட நாடகம் என ஜனாதிபதி தெரிவித்தார்.

அத்துடன், நான்கு கைதிகளின் மரணதண்டனைக்கு அங்கீகாரமளித்து கையொப்பமிட்டுள்ளதாகவும், விரைவில் மரணதண்டனை நிறைவேற்றப்படும் என்றும் தெரிவித்துள்ளார்.

2020ம் ஆண்டு வளமான ஆண்டாக அமையும். அடுத்த ஜனாதிபதியாக யார் தெரிவானாலும் 19வது திருத்தம் ஒழிக்கப்பட வேண்டும், அது நாட்டின் சாபக்கேடு. அரசசார்பற்ற நிறுவனங்களினால் அது தயாரிக்கப்பட்டது என்றும் தெரிவித்துள்ளார்.

சோபா உடன்படிக்கைக்கு தான் முற்றிலும் எதிரானவர் என்றும், அது வெளிநாட்டு படைகளை வரவழைக்கும் ஆபத்துள்ளதாகவும் தெரிவித்தார்.

ஜனாதிபதி தேர்தல் நடந்து இரண்டு மாதங்களின் பின்னர் பொதுத்தேர்தல் நடத்தப்படலாம் என்று ஜனாதிபதி தெரிவித்தார்.

அவசரகாலச்சட்டம் இன்னும் ஒரு மாதம் மாத்திரமே நீடிக்கப்படும் என்றும், பொதுத் தேர்தலை நடத்த சர்வஜன வாக்கெடுப்பு நடத்த திட்டமிடப்படுவதாக வரும் செய்திகள் தவறானவை என்றும் தெரிவித்துள்ளார்.

Loading...

LEAVE A REPLY

Please enter your comment!
Please enter your name here