வடக்கில் ஆடு கடத்தும் முஸ்லிம் வலையமைப்பு- அதிர்ச்சி தகவல்கள்!

0

வவுனியாவில் நேற்று முன்தினம் இரவு கடத்தல் ஆடுகளுடன் லொறி ஒன்றை பொலிசார் கைப்பற்றியிருந்தனர். இந்த கடத்தல் வலையமைப்பு பற்றிய பல அதிர்ச்சிகரமான தகவல்களை தமிழ் பக்கம் திரட்டியுள்ளது. வடக்கிலிருந்து ஆடுகளை திருடி, கடத்தும் இந்த வலையமைப்பின் பின்னணியில் புத்தளத்தை சேர்ந்த சில முஸ்லிம் நபர்களே செயற்பட்டு வந்துள்ளனர்.

கடந்த பல மாதங்களாக இந்த கும்பல் வடக்கில் ஆடுகளை திருடி வந்துள்ளது. வடக்கின் பல இடங்களிலும், பல்வேறு தேவைகளிற்காக செல்வதைபோல சென்ற ஆடுகளை திருடி வருகிறார்கள். கடத்தப்படும் ஆடுகள் கிளிநொச்சி, பரந்தன் சந்திக்கு அண்மையாக உள்ள வீடொன்றிலேயே அடைத்து வைக்கப்படுகின்றன. ஏற்கனவே அந்த வீட்டில் ஆட்டுப்பட்டியொன்று உள்ளது. அந்த பட்டிக்குள் கடத்தல் ஆடுகள் அடைத்து வைக்கப்படுகின்றன.

பின்னர், குறிப்பிட்ட தொகையான ஆடுகள் சேர்ந்ததும், சூட்சுமமான முறையில் தெற்கிற்கு ஆடுகள் கடத்தப்படுகின்றன.

பரந்தன் வீட்டில் உள்ள குடும்பத்தின் ஒத்துழைப்பாலேயே இந்த கடத்தல் வெகு ஜோராக நடந்து வருகிறது.

இந்த கடத்தல் வலையமைப்பை கடந்த சில வாரங்களிற்கு முன்னர் மோப்பம் பிடித்த புலனாய்வுப்பிரிவினர் ஆடுகளையும் வாகனத்தையும் கையும்மெய்யுமாக பிடிப்பதற்கான சிறியளவிலான முயற்சிகளை மேற்கொண்டு வந்ததாக தெரிகிறது. எனினும், முஸ்லிம் வலையமைப்பின் சூட்சுமமான கடத்தல் முறை அவர்களிற்கு டிமிக்கி கொடுத்து வந்தது.

எனினும், நேற்றுமுன்தினம் (14) இரவு எதிர்பாராதவிதமாக வவுனியாவில் போக்குவரத்து பொலிசாரிடம் இந்த கடத்தல்கும்பலின் லொறி ஒன்று சிக்கியுள்ளது.

கடத்தல் ஆடுகளுடன் லொறியை பொலிசார் வழிமறித்தபோது, 2,000 ரூபா இலஞ்சம் கொடுத்து தப்பிக்க சாரதி முயன்றுள்ளார். எனினும், கடமையலிருந்த போக்குவரத்து பொலிசார் அதற்கு மசியாமல் அவர்களை கைது செய்ய முயல, தமக்கு அரசியல் செல்வாக்கு உள்ளதாக மிரட்டியுள்ளனர். எனினும், பொலிசார் அவர்களை கைத செய்துள்ளனர்.

இந்த கடத்தல் வலையமைப்பின் பிரதான சூத்திரதாரியாக புத்தளத்தைச் சேர்ந்த ஒரு சில முஸ்லீம்கள் இயங்கி வருகின்றனர். அவர்களுக்கு உடந்தையாக வடக்கில் ஆங்காங்கே சில தமிழ் குடும்பங்களும் செயற்படுகிறார்கள். இந்த அமைப்பின் மையப்புள்ளியாக பரந்தனில் உள்ள தம்பதியர் செயற்படுகிறார்கள்.

இப்படியானவர்களின் ஒத்துழைப்பில்லாவிட்டால், வடக்கில் ஆட்டு களவு நிறுத்தப்பட வாய்ப்புள்ளதும் குறிப்பிடத்தக்கது.

 

ஒரு பதிலை விடவும்

Please enter your comment!
Please enter your name here