நயன்தாராவுக்கு அடுத்த மாதம் திருமணம்?

நயன்தாராவுக்கு அடுத்த மாதம் திருமணம் நடைபெற உள்ளதாக தகவல் பரவி வருகிறது.

நடிகை நயன்தாராவுக்கும் இயக்குனர் விக்னேஷ் சிவனுக்கும் அடுத்த மாதம் (பெப்ரவரி) திருமணம் நடக்க உள்ளதாகவும் இதற்கான ஏற்பாடுகளில் இரு குடும்பத்தினரும் ஈடுபட்டு உள்ளனர் என்றும் இணையதளத்தில் தகவல் பரவி வருகிறது. திருமண தேதியை ரகசியமாக வைத்து இருப்பதாகவும் அதில் குறிப்பிடப்பட்டு உள்ளது. ஆனால் நயன்தாரா தரப்பில் இதனை உறுதிப்படுத்தவில்லை.

நயன்தாராவுக்கு இப்போது 36 வயது ஆகிறது. 2005இல் ஐயா படத்தில் அறிமுகமாகி இன்றுவரை தென்னிந்திய திரையுலகில் அதிக சம்பளம் பெறும் முன்னணி கதாநாயகியாக வலம் வருகிறார். ஏற்கனவே 2 முறை காதலில் சிக்கி முறிவு ஏற்பட்ட பிறகும் மார்க்கெட் சரியவில்லை. 2015இல் நானும் ரவுடிதான் படத்தில் நடித்தபோது அந்த படத்தின் இயக்குனர் விக்னேஷ் சிவனுடன் காதல் மலர்ந்தது.

இருவரும் ஜோடியாக சுற்றும் புகைப்படங்களை தொடர்ந்து வலைத்தளங்களில் வெளியிட்டு வருகின்றனர். புதிய பட நிறுவனம் தொடங்கி பட தயாரிப்பிலும் ஈடுபட்டு உள்ளனர். இந்த நிலையில்தான் தற்போது அடுத்த மாதம் திருமணத்துக்கு தயாராவதாக புதிய தகவல் பரவி வருகிறது. நயன்தாரா கைவசம் நெற்றிக்கண், அண்ணாத்த, காத்துவாக்குல ரெண்டு காதல் ஆகிய 3 படங்கள் உள்ளன. மலையாளத்திலும் 2 படங்களில் நடிக்கிறார்.

LEAVE A REPLY

Please enter your comment!
Please enter your name here