மனைவி, பிள்ளைகளின் இழப்பு… மூளைக்கட்டி… விடாமுயற்சி; நம்பக்கையின் மறுபெயர்: ஜோ பைடனின் கதை!

அமெரிக்காவின் 46 வது ஜனாதிபதியாக தேர்ந்தெடுக்கப்பட்ட ஜோ பைடன் 2021 ஜனவரி 21 அன்று பதவியேற்பார். அவர் முன்னர் 2008-2016 வரை ஜனாதிபதி பராக் ஒபாமாவின் காலத்தில் துணை ஜனாதிபதியாக பணியாற்றினார்.

ஜோ பைடன் அரசியலில் நுழைவதற்கு முன்பு ஒரு சட்டத்தரணியாக சிறிது காலம் பணியாற்றினார். அவரது மனைவி மற்றும் குழந்தைகள் திடீரென இறந்ததால் அவரது வாழ்க்கையில் இரண்டு சந்தர்ப்பங்களில் பெரும் பின்னடைவை சந்தித்தார்.

இறுதியாக அமெரிசக்க ஜனாதிபதி தேர்தலில் அதிக வாக்கு பெற்று வெற்றியீட்டிய சாதனைக்கு சொந்தக்காரராக மாறியுள்ளார்.

இது அவரது கதை.

பைன் – நவம்பர் 20, 1942 இல் பிறந்தார். வடகிழக்கு பென்சில்வேனியாவின் ஸ்கட்ரான்டனில் வளர்ந்தார். இவரது தந்தை ஜோசப் பைடன் பழைய கார் வியாபாரி. இவரது தாய் யூஜீனியா கத்தரின். அவர்கள் அயர்லாந்தில் இருந்து அமெரிக்காவுக்கு குடிபெயர்ந்த ஒரு கத்தோலிக்க குடும்பத்திலிருந்து வந்தவர்கள். பைடனுக்கு இரண்டு சகோதரர்களும் ஒரு சகோதரியும் உள்ளனர்.

பைடன் என்பது பெரும் அழுத்தத்தை எதிர்கொண்டு விடாமுயற்சியிலிருந்து வெளிப்பட்ட ஒரு பாத்திரம்.

பைடன் முதலில் ஸ்காரிங்டனில் உள்ள சென்ட் போல் ஆரம்ப பாடசாலையில் கல்வி கற்றார். அவருக்கு 13 வயதாக இருந்தபோது, ​​அவர் தனது குடும்பத்தினருடன் டெலாவேரின் மேஃபீல்டிற்கு குடிபெயர்ந்தார். அங்கு சென்ட் ஹெலினா பாடசாலையில் பயின்றார்.

பாடசாலை நாட்களில் பைடன் அதிகம் பேச வெட்கப்பட்டவர். மேடைகளில், ஆட்களின் முன் பேச வெட்கப்படும் இயல்புடன் இருந்தார். இதன் காரணமாக, அவர் தனது நண்பர்களால் கேலி செய்யப்பட்டார். வீட்டிலுள்ள கண்ணாடியின் முன் நின்று, வசனங்களை மனப்பாடம் செய்து பேசிப்பழகி அந்த தடைகளை அவர் எவ்வாறு சமாளித்தார் என்பதை பின்னர் விவரித்தார்.

ஒரு ஒல்லியான உயர்நிலைப் பாடசாலை மாணவரான பைடன் கால்பந்தில் சிறந்து விளங்கினார். பின்னர், பைடன் டெலாவேர் பல்கலைக்கழகத்தில் வரலாறு மற்றும் அரசியல் அறிவியலில் இளங்கலை பட்டம் பெற்றார்

பல்கலைக்கழகத்தில் தனது முதல் இரண்டு ஆண்டு கல்வியில் ஆர்வம் காட்டுவதாகவும், ஆனால் பின்னர் கால்பந்து, பெண்கள் மற்றும் கட்சி அரசியலில் ஆர்வம் காட்டியதாகவும் அவர் கூறினார்.

அமெரிக்க முன்னாள் ஜனாதிபதி ஜோன் எஃப்.கென்னடி அவரது ஹீரோக்களில் ஒருவராக இருந்தார். டெலாவேரில் பட்டம் பெற்ற பிறகு பைடன் சைராகஸ் சட்டப் கல்லூரியில் பட்டம் பெற்றார். அவர் சட்ட மாணவி நீலியா ஹண்டரை சந்தித்து 1966 இல் திருமணம் செய்து கொண்டார்.

1968 இல் சட்டக் கல்லூரியில் பட்டம் பெற்ற பிறகு, பைடன் வில்மிங்டனுக்கு குடிபெயர்ந்தார். டெலாவேரில், அவர் ஒரு சட்ட நிறுவனத்தில் பயிற்சியைத் தொடங்க விரும்பினார்.

அந்த நேரத்தில் ஜனநாயகக் கட்சியின் உறுப்பினராக இருந்த அவர் முதலில் 1970 ல் பதவிக்கு போட்டியிட்டார். 1971 ஆம் ஆண்டில் பைடன் தனது சொந்த சட்ட நிறுவனத்தைத் தொடங்கினார். போர்ட் கவுண்டி கவுன்சில் உறுப்பினராக பணியாற்றினார்.

அவருக்கு மூன்று குழந்தைகள் இருந்தன.  பியூ (பிறப்பு 1969), ஹண்டர் (பிறப்பு 1970) மற்றும் நவோமி (பிறப்பு 1971) ஆகியோர் அவரது பிள்ளைகள்.

1972 ஆம் ஆண்டில், டெலவர் செனட் தொகுதியில் போட்டியிட்டு வெற்றி பெற்றார். அப்போது அவருக்கு 29 வயது. மிக இளம்வயதில் செனட் அவைக்கு தேர்வு செய்யப்பட்ட 5 எம்.பி.க்களில் பைடனும் ஒருவர்.

பிடனின் கனவுகள் நனவாகியது போலவே, அவருடைய வாழ்க்கையில் பெரும் சோகங்களும் ஏற்பட்டன. இந்த நேரத்தில்தான் அவரது வாழ்க்கை தலைகீழாக மாறியது. 1972 கிறிஸ்மஸுக்கு ஒரு வாரத்திற்கு முன்பு, பைடனின் மனைவியும் மூன்று குழந்தைகளும் கடுமையான கார் விபத்தில் சிக்கினர்.

கிறிஸ்மஸில் ஷொப்பிங் செய்யும் போது விபத்தில் டிராக்டர் மோதியதில் அவரது மனைவி மற்றும் மகள் கொல்லப்பட்டனர். அவரது இரண்டு மகன்களும் பலத்த காயமடைந்தனர்.

பைடன் கலக்கமடைந்ததாகவும், தற்கொலை செய்யலாமென நினைத்ததாகவும் பின்னர் கூறினார்.

விபத்தில் சிக்கிய மகன்களை வைத்தியசாலையில் வைத்து பைடனே பராமரித்தார். இதனால், வோஷிங்டனில் புதிய செனட்டர்களுக்கான பதவியேற்பு விழாவையும் அவர் தவறவிட்டார்.

பின்னர், தனது மகன்களின் மருத்துவமனை அறையில் பதவியேற்றார். பைடன் தனது குழந்தைகளுடன் முடிந்தவரை அதிக நேரம் செலவிட முடிவு செய்தார்.

1973 முதல் 2009 வரை, பைடன் செனட் வாழ்க்கையை நடத்தினார். செனட்டில் இருந்த காலத்தில், பைடன் அதன் தலைவராக கௌரவிக்கப்பட்டார். வெளியுறவுக் கொள்கை வல்லுனர்களுடனான அவரது சந்திப்பும், வெளியுறவுக் குழுவின் தலைவருமான அவர் நாட்டின் எதிர்காலத் தலைவராக மாறுவதற்கான அடித்தளத்தை அமைத்தார்.

அவர் சோவியத் யூனியனுடன் மூலோபாய ரீதியில் விரிவாக பணியாற்றியுள்ளார். ஆயுதங்களை கட்டுப்படுத்துதல், பால்கனில் அமைதி மற்றும் ஸ்திரத்தன்மையை ஊக்குவித்தல், நேட்டோவை விரிவுபடுத்துதல், வளைகுடாப் போரைக் கட்டுப்படுத்துதல் மற்றும் டார்பூரில் நடந்த இனப்படுகொலை நீதி ஆகியவற்றிற்கு பங்காற்றினார். வெளியுறவுக் கொள்கைக்கு மேலதிகமாக, பைடன் பல முக்கியமான திட்டங்களை செனட்டில் பகிரங்கமாகக் கொண்டு வந்துள்ளார்.

ஒவ்வொரு கட்சிக்கும் உள்ள மாநில அளவிலான வேட்பாளர் போட்டிகளில் வெற்றி பெறுபவர்களால் அமெரிக்காவின் ஜனாதிபதி பதவிக்கான வேட்பாளர்கள் தேர்வு செய்யப்படுகிறார்கள்.

1987 ஆம் ஆண்டில், பைடன் ஜனநாயகக் கட்சியின் முதன்மை பதவிக்கு போட்டியிடத் தயாரானார். ஆனால் துரதிர்ஷ்டவசமாக அந்த சுற்றில் அவருக்கு உடல்நிலை சரியில்லை. இதன் விளைவாக, அவர் ஜனநாயகக் கட்சியிலிருந்து விலகினார்.

பிடனுக்கு கடுமையான தலைவலி ஏற்பட்டது. 1988 ஆம் ஆண்டில், மூளை சிக்கலால் அவர் நுரையீரலில் ஒரு இரத்த உறைவ உருவானது. இதற்கான அறுவை சிகிச்சையில் இருந்து குணமடையும் வரை ஏழு மாதங்கள் அனைத்து நடவடிக்கைகளிலிருந்தும் விலகி இருக்க வேண்டியிருந்தது.

ஏழு மாதங்களின் பின், பைடன் செனட்டிற்கு திரும்பினார்.

இருபது ஆண்டுகளுக்குப் பிறகு, 2016இல், அமெரிக்காவின் ஜனாதிபதியாக இரண்டாவது முறையாக போட்டியிட முடிவு செய்தார். ஆனால் ஹிலாரி கிளிண்டன் ஆதிக்கம் செலுத்தும் ஒரு துறையில் அவர் ஒரு வாய்ப்பை இழந்தார்.
பராக் ஒபாமா ஹிலாரி மீது அதிக விருப்பம் கொண்டிருந்தார். தீர்க்கமான அயோவாவில் ஒரு சதவீதத்திற்கும் குறைவான வாக்குகளைப் பெற்ற பிறகு பைடன் போட்டியிலிருந்து விலகினார்.

2009 ஆம் ஆண்டில் அமெரிக்காவின் 44 வது ஜனாதிபதியாக ஒபாமா பதவியேற்ற பின்னர், பைடன் துணை ஜனாதிபதியானார்.

பைடன் பெரும்பாலும் திரைக்குப் பின்னால் ஒரு ஆலோசகரின் பாத்திரத்தில் பணியாற்றினார். இதன் காரணமாக, அவரது பெயரை குறைந்தளவானவர்களிற்கு  மட்டுமே தெரியும். பாராட்டப்பட்ட ஒபாமா கால வெளியுறவுக் கொள்கையின் பின்னணியில் பைடனும் இருந்தார்.

2012 ல் ஒபாமாவின் இரண்டாவது தேர்தல் வெற்றியிலும் பைடன் முக்கிய பங்கு வகித்தார். ஒபாமா கிட்டத்தட்ட 60 சதவீத வாக்குகளைப் பெற்றார், அவருடைய புகழ் தொடர்ந்தது. அதன்படி, பைடன் மீண்டும் ஒபாமாவின் துணை ஜனாதிபதியாக இருந்தார்.

இந்த நேரத்தில், பைடனும் தேசத்தில் ஒரு முன்னணி நபராகிவிட்டார். நாட்டில் வன்முறையைத் தடுக்க ரஷ்யா மற்றும் சீனாவின் அழுத்தத்தைத் தவிர்ப்பதற்காக பைடனை பாராட்டினார் ஒபாமா.

பைடனின் முதல் மனைவி இறந்த பிறகு, அவரே பிள்ளைகளை வளர்க்கத் தொடங்கினார். ஆனால் அது எளிதான காரியமல்ல, அவர் தனது இரண்டாவது மனைவி ஜில் பைடனை 1977 இல் மணந்தார். இந்த ஜோடியின் மகள் ஆஷ்லே 1981 இல் பிறந்தார். மே 30, 2015 அன்று, பைடனின் மூத்த மகன் பியூ, தனது 46 வயதில் மூளை புற்றுநோயால் இறந்தார்.

அவருக்கு எஞ்சியிருப்பது இளைய மகன் ஹண்டர் மற்றும் இளைய மகள் ஆஷ்லே. ஹண்டர் போதைப் பழக்கத்திற்கு அடிமையாகி தனது வாழ்க்கையை நாசப்படுத்தினார்.

ஜனவரி 12, 2017 அன்று ஜனாதிபதி ஒபாமா, பைடனை புகழ்ந்த பேச்சு ஜனநாயகக் கட்சியில் அதிகம் பேசப்பட்ட ஒன்றாகும். பைடன், “அமெரிக்காவின் சிறந்த துணை ஜனாதிபதி, அவர் ஒரு சிங்கம்” என்று கூறினார்.

ஜனாதிபதி தேர்தலில் போட்டியிடவுள்ளதாக பைடன் ஏப்ரல் 25, 2019 அன்று அதிகாரப்பூர்வமாக அறிவித்தார்

கமலா ஹாரிஸை தனது துணை ஜனாதிபதியாக ஆகஸ்ட் 11, 2020 அன்று பைடன் அறிவித்தார். இந்த அறிவிப்பு டிரம்பின் இனவெறி தேர்தல் பிரச்சாரத்திற்கு ஒரு அடியாகும்.

பைடனுக்கும் டிரம்பிற்கும் இடையில் முதல் ஜனாதிபதி விவாதம் 2020 செப்டம்பர் 29 அன்று நடந்தது, அது குழப்பமாக இருந்தது.

டிரம்பின் தேவையற்ற குறுக்கீடுகள் மற்றும் எல்லை மீறிய பேச்சுக்களால் ஆத்திரமடைந்த பைடன் இரண்டு முறை, தனது போட்டியாளரை “ஜோக்கர்” என்று அழைத்தார்.

இரண்டாவது விவாதம் ஒக்ரோபர் 15 ல் திட்டமிடப்பட்டுள்ளது, ஆனால் டிரம்ப் அதை மறுத்துள்ளார்

ஒக்டோபர் 22 அன்று மூன்றாவது விவாதத்தின் போது, ​​சுகாதாரம், குடிவரவு சட்டங்கள், பசுமை வேலைகள் மற்றும் டிரம்பின் தோல்வியுற்ற கொரோனா மேலாண்மை குறித்து பைடன் கருத்துக்களை முன்வைத்தார்.

நவம்பர் 7, 2020 அன்று, தேர்தல் நாளுக்கு நான்கு நாட்களுக்குப் பிறகு, பைடன் ஜனாதிபதியாக தேர்ந்தெடுக்கப்பட்டார். பென்சில்வேனியாவின் வெற்றியின் பின்னர் அவர் 46 வது ஜனாதிபதியாக தேர்ந்தெடுக்கப்பட்டார்.

அவர் 74 மில்லியன் வாக்குகளைப் பெற்றார்.

“செய்ய வேண்டிய பணிகள் எதிர்காலத்தில் எங்களுக்கு கடினமாக இருக்கும், ஆனால் இதை நான் உங்களுக்கு உறுதியளிக்கிறேன். நீங்கள் எனக்கு வாக்களித்தாலும் இல்லாவிட்டாலும் எல்லா அமெரிக்கர்களுக்கும் நான் ஜனாதிபதியாக இருப்பேன். நீங்கள் என் மீது வைத்திருக்கும் நம்பிக்கைக்கு உண்மையாக இருப்பேன்” என பிடன் தனது வெற்றி உரையில் கூறினார்.

LEAVE A REPLY

Please enter your comment!
Please enter your name here