பின்னணி பாடகர் எஸ்.பி.பாலசுப்பிரமணியத்தின் உடல் நிலை மீண்டும் கவலைக்கிடம்

பின்னணி பாடகர் பாலசுப்பிரமணியத்தின் உடல் நிலையில் பின்னடவை ஏற்பட்டதாக மருத்துவமனை வட்டாரங்கள் தெரிவித்து உள்ளது.

பிரபல பாடகரான எஸ்பி பாலசுப்ரமணியம் கடந்த ஓகஸ்ட் மாதம் 5 ஆம் திகதி கொரோனா தொற்று காரணமாக சென்னை நுங்கம்பாக்கத்தில் உள்ள தனியார் மருத்துவமனையில் அனுமதிக்கப்பட்டார்.

ஆரம்பத்தில் லேசான தொற்றுடன் சென்ற அவருக்கு திடீரென, பாதிப்பு அதிகமானது. இதனால் ஐசியூவுக்கு மாற்றப்பட்ட அவருக்கு தீவிர சிகிச்சை அளிக்கப்பட்டது.

இதனை தொடர்ந்து எஸ்பிபியின் உடல்நிலையில் படிப்படியாக முன்னேற்றம் ஏற்பட்டது. எஸ்பி பாலசுப்ரமணியத்தின் உடல்நிலை குறித்து அவரது மகனும் பாடகருமான எஸ்பி சரண் அடிக்கடி தகவல்களை வெளியிட்டு வருகிறார்.

அந்த வகையில் தற்போது எஸ்பிபியின் உடல் நிலை குறித்து தனது இன்ஸ்டாகிராம் பக்கத்தில் பதிவு ஒன்றை ஷேர் செய்துள்ளார். அதில் அப்பா நலம் பெறுவதற்கான நிலையை நோக்கி தொடர்ந்து சீராக முன்னேறிக் கொண்டிருக்கிறார். வாய்வழி திரவங்களுடன் எக்மோ/ வெண்டிலேட்டர், பிசியோதெரபி உள்ளிட்ட சிகிச்சைகளும் தொடர்ந்து வழங்கப்படுகின்றன என தெரிவித்து இருந்தார்.

கொரோனாவில் இருந்து உடல்நிலை தேறி வந்த நிலையில் திடீர் பின்னடைவு ஏற்பட்டு உள்ளது.

இந்த நிலையில் பின்னணி பாடகர் எஸ்.பி. பாலசுப்பிரமணியத்தின் உடல்நிலையில் கடந்த 24 மணி நேரமாக மீண்டும் கவலைக்கிடம் என மருத்துவமனை நிர்வாகம் தகவல் தெரிவித்து உள்ளது.

உயிர் காக்கும் மருத்துவ கருவிகள் உதவியுடன் சிகிச்சை அளிக்கப்படுகிறது. மருத்துவக்குழுவினர் எஸ்.பி.பிக்கு தீவிர சிகிச்சை அளிப்பதாக அறிவிக்கப்பட்டு உள்ளது.

LEAVE A REPLY

Please enter your comment!
Please enter your name here