அசத்தல் ஸ்டூவர்ட் பிரோட்: உலகில் 7வது, இங்கிலாந்தில் 2வது பந்துவீச்சாளர்: 500 விக்கெட்டுகளை வீழ்த்தி சாதனை


ஓல்ட் டிராபர்ட் டெஸ்ட் போட்டியின் 5ம் நாளான நேற்று இங்கிலாந்து வேகப்பந்து வீச்சாளர் ஸ்டூவர்ட் பிரோட் டெஸ்ட் கிரிக்கெட்டில் 500 விக்கெட்டுகளை வீழ்த்திய 2வது இங்கிலாந்து பந்து வீச்சாளர் என்ற சாதனையை நிகழ்த்தினார்.

399 ரன்கள் வெற்றி இலக்கை எதிர்த்து ஆடிய மே.இ.தீவுகள் 10/2 என்ற நிலையில் 4ம் நாள் ஆட்டம் முழுதும் இரத்தாக இன்று ட்ரா செய்யும் வாய்ப்பை இழந்து தோல்வியடைய காரணம் முதல் டெஸ்ட்டில் உட்கார வைக்கப்பட்ட ஸ்டூவர்ட் பிரோட். இவர் 3 விக்கெட்டுகளைக் கைப்பற்றினார்.

இதில் 19 ரன்கள் எடுத்து ஆடிவந்த மே.இ.தீவுகள் தொடக்க வீரர் பிராத்வெய்ட் விக்கெட்டை எல்.பி.மூலம் வீழ்த்தி 500 விக்கெட்டுகள் மைல்கல்லை எட்டினார் பிரோட். இந்தப் பந்து தாழ்வாக வந்தது என்பது வரலாற்று புத்தகங்களில் ஏறாது, 500 விக்கெட்டுகள் என்ற சாதனை ஏறும். ஆனால் மிகப்பெரிய பந்துவீச்சாளராக திகழும் பிரோட் பற்றி அதிகமாக புகழ்ந்து பேசியவர்கள் இல்லை. ஆனால் இங்கிலாந்தில் இவர் மிக அபாயகரமான வீச்சாளர்.

இங்கிலாந்தில் முதன் முதலாக 500 விக்கெட்டுகளைக் கடந்து சென்றார் ஜேம்ஸ் அண்டர்சன், இவரை அடுத்து பிரோட் தற்போது 500 விக்கெட் கிளப்பில் சேர்ந்துள்ளார்.

உலக அளவில் 500 விக்கெட் மைல்கல்லை எட்டிய 7வது பந்துவீச்சாளர் ஆவார் பிரோட். வேகப்பந்து வீச்சாளர்களில் கொட்னி வோல்ஷ், கிளென் மெக்ரா, ஜேம்ஸ் அண்டர்சன் வரிசையில் அடுத்த இடத்தில் பிரோட் இருக்கிறார்.

முரளிதரன், ஷேன் வோர்ன், மெக்ரா, வோல்ஷ், அண்டர்சன், அனில் கும்ப்ளே ஆகியோர் வரிசையில் தற்போது பிரோட் 7வதாக இணைந்துள்ளார்.

LEAVE A REPLY

Please enter your comment!
Please enter your name here