இணைப்பாளர்களால் நடத்தப்படும் வவுனியா ஒருங்கிணைப்புக்குழு கூட்டம்!

வவுனியாவில் இடம்பெறும் ஒருங்கிணைப்புகுழு கூட்டங்களில் பொதுஜன பெரமுனவின் தமிழ் பகுதிக்கான இணைப்பாளர் பாராளுமன்ற உறுப்பினர்களுக்கு நிகராக செயற்பட்டு கூட்டத்தினை அவரே நடத்துவதாகவும் விசனம் தெரிவிக்கப்பட்டுள்ளது.

வவுனியா பிரதேச செயலகத்தில் நேற்று இடம்பெற்ற ஒருங்கிணைப்பு குழு கூட்டத்தில் ஒருங்கிணைப்புகுழுவின் தலைவர் தர்மபால செனவிரத்தினவுடன் வந்த அவரின் இணைப்பாளரும் பொதுஜன பெரமுனவின் தமிழ் பகுதிக்கான இணைப்பாளருமான நபர் பாராளுமன்ற உறுப்பினர்கள் அமரும் இடத்தில் இருந்து கூட்டத்தினை நடத்தியமை அரச அதிகாரிகளை அவமதிக்கு செயல் என விசனம் தெரிவிக்கப்பட்டுள்ளது.

ஒருங்கிணைப்பு குழு கூட்டங்களை அதன் தலைவர் நடத்த வேண்டிய போதிலும் வவுனியாவில் இடம்பெறும் கூட்டங்களை தலைவரின் இணைப்பாளரே நடத்துவதாகவும் அவர் பாராளுமன்ற உறுப்பினர்களுக்கு நிகராக முன் மேடையில் அமர்ந்திருப்பதாகவும் விசனம் தெரிவித்தினர்.

ஒருங்கிணைப்பு குழு தலைவருக்கு மொழி பெயர்ப்பு தேவையேற்படின் ஒலிவாங்கியூடான மொழிபெயர்ப்பு செய்ய கூடிய வசதிகள் இருந்தபோதிலும் பாராளுமன்ற உறுப்பினர்களுக்கு நிகராக அவர் முன்மேடையில் இருந்து அரச அதிகாரிகளை கட்டுப்படுத்துகின்றமை தொடர்பில் ஒருங்கிணைப்புகுழு தலைவர் கவனம் செலுத்த வேண்டும் எனவும் தெரிவிக்கப்பட்டுள்ளது.

LEAVE A REPLY

Please enter your comment!
Please enter your name here