குழந்தை பிரசவித்த ஆண்: அதிகாரிகள் தொடர்ந்து திண்டாட்டத்தில்!

ஆணொருவர் குழந்தை பிரசவித்த விவகாரம் கடந்த வாரம் காட்டுத்தீயாக பரவியது. குழந்தையை பிரசவித்த பின்னர், அவர் அந்த குழந்தையை பொறுப்பேற்க விரும்பவில்லையென கூறியுள்ளார். இந்த விவகாரம் பெரும் இழுபறியாக மாறியுள்ளது.

மாத்தறையை சேர்ந்த 25 வயதான இளைஞன் ஒருவரே குழந்தை பிரவசித்துள்ளார்.

அண்மையில் கடும் வயிற்று வலிக்கு உள்ளான அவர், மாத்தறை வைத்தியசாலையின் ஆண்கள் விடுதியில் அனுமதிக்கப்பட்டார். அங்கு நடத்தப்பட்ட சோதனையில், அவர் குழந்தை பிரவசிக்கவிருப்பது தெரிய வந்தது.

தாடி, மீசையுடன் மகப்பேற்று ஆடைகளை அணிந்தபடி இளைஞன் ஒருவர் கொண்டு செல்லப்பட்டது வைத்தியசாலைக்குள் பெரும் பரபரப்பை ஏற்படுத்தி, பலரையும் அந்த விடயத்தில் கவனம் செலுத்த வைத்தது.

குழந்தை பிரவசித்த ஆண், பிறப்பில் ஒரு பெண் ஆவார். சில வருடங்களின் முன்னர் பாலின மறுசீரமைப்பு அறுவை சிகிச்சைக்கு உட்படுத்தப்பட்டார். தற்போது மாத்தறையில் முச்சக்கரவண்டி சாரதியாக உள்ளார். அவருக்கு ஒரு காதலியும் உள்ளார்.

மாத்தறை பொது வைத்தியசாலை இயக்குனர் வைத்தியர் மல்கந்தி மெடிவக்க, அந்த நபர் ஒரு ஆரோக்கியமான ஆண் குழந்தையைப் பெற்றெடுத்தார் என்றும், ஆரம்பத்தில் பெற்றோர்கள் பாலின மறுசீரமைப்பு நடைமுறைகளை மேற்கொண்ட போதிலும் குழந்தை எவ்வாறு கருத்தரிக்கப்பட்டது என்று வைத்தியர்கள் ஆச்சரியப்பட்டதாகவும் கூறினார்.

குழந்தை பிரசவித்த ஆண், தனது அடையாளம் மற்றும் இருக்கும் இடம் குறித்த எந்த விவரங்களையும் வெளியிட வேண்டாம் என்று எழுத்துப்பூர்வமாக கோரிக்கை விடுத்துள்ளதாகவும் அவர் கூறினார்.

“அவரது பிரசவத்தால் ஆச்சரியப்பட்டவர், ஆண் குழந்தையை தனது குழந்தையாக ஏற்க மறுக்கிறார். தாய்ப்பால் கொடுக்க இயலாமை காரணமாக, குழந்தைக்கு மருத்துவமனையின் மகப்பேறு பிரிவில் தாதியர்களால் குழந்தை சூத்திரம் வழங்கப்படுகிறது, ”என்று அவர் கூறினார். நபர் மற்றும் குழந்தை இருவரும் ஆரோக்கியமாக இருப்பதாகவும் கூறினார்.

குழந்தையை பிரசவித்த நபரின் வேண்டுகோளைத் தொடர்ந்து வைத்தியசாலை அதிகாரிகள் சட்ட உதவியை நாடுகின்றனர்.

அந்த நபர் விமானப்படையில் ஒரு பெண் ஊழியராக சேர்ந்ததாகவும், விளையாட்டு நடவடிக்கைகளில் தீவிரமாக ஈடுபட்டதாகவும் தெரிகிறது. அவர் தனது ஹார்மோன்களில் மாற்றங்களை உணர்ந்த பிறகு, அவர் விமானப்படையிலிருந்து விலகி, முச்சக்கர வண்டி சாரதியாக பணிபுரிகிறார்.

சில மூன்றாம் பாலின அமைப்புக்களின் உதவியுடன் இந்தியாவில் பாலின மறுசீரமைப்பு அறுவை சிகிச்சை மேற்கொண்ட அவர், கருப்பையை தக்க வைத்துக் கொண்டதுடன், இரு பாலின விவகாரங்களில் ஈடுபட்டதே விபரீதத்திற்கு காரணமாகியுள்ளது.

மனித உரிமைகள் ஆணைக்குழு வைத்தியசாலைக்கு விஜயம் மேற்கொண்டபோதும், இளைஞர் தரப்பில் பேச விரும்பவில்லை.

இந்த விவகாரம் தொடர்பில் விசாரணை நடத்திய பொலிசார், சட்ட அமுலாக்க நிறுவனங்களின் ஆலோசனைகளையும் கோரியுள்ளனர்.

Loading...

LEAVE A REPLY

Please enter your comment!
Please enter your name here