அழிந்ததாக கருதப்பட்ட இலங்கையின் கருப்பு புலிகள் கமராவில் சிக்கின!

இலங்கையின் அழிந்துபோனதாக கருதப்பட்ட இலங்கையின் கருப்பு புலிகள் (Sri Lankan Black Panther) இன்னமும் உயிர்வாழும் ஆச்சரியமான, மகிழ்ச்சியான செய்தி வெளியாகியுள்ளது.

கருப்பு புலிகள் வாழ்ந்ததாக கருதப்பட்ட இடங்களில் நிறுவப்பட்ட கமராக்களில் இவை பதிவாகியுள்ளன.

ஒரு பெண், ஒரு ஆண் மற்றும் இரண்டு குட்டிகள் கமராவில் பதிவு செய்யப்பட்டன.

சிரிபா வனஜீவராசிகள் தளத்தைச் சுற்றியுள்ள காட்டில் இந்த உயிரினம் அடையாளம் காணப்பட்டது.

ரிமோட் மோஷன் சென்சர் கமராக்களை நிறுவி வனவிலங்கு துறை கால்நடை மருத்துவர்கள் மலகா அபேவர்தன மற்றும் மனோஜ் அகலங்க ஆகியோர் நடத்திய ஆய்வில், இந்த புலி பதிவு செய்யப்பட்டது.

இதுபோன்ற ஒரு கருப்பு புலி கமராவில் சிக்குவது இதுவே முதல் முறை என்று வனவிலங்கு அதிகாரிகள் கூறுகின்றனர்.

உலகில் உள்ள 8 புலி இனங்களில் இலங்கை புலி இனங்கள் அரிதாகக் காணப்பட்டமையினால் அவை மிகவும் விசேடமானவையாக கருதப்பட்டன. இதுவரை காலம் அழிந்துவிட்டதாக கருதப்பட்ட கருப்பு புலி இனம் இலங்கை புலி இனத்தில் கிளை இனமாகவும் வர்ண வித்தியாச இனமாகவும் கருதப்படுகிறது.

மரபணு மற்றும் இயற்கையாகச் சூழல் காரணங்களால் உடல் நிறம் இல்லாததால் கருமையாக இந்த வகை புலிகள் பிறப்பதாக ஆராய்ச்சியாளர்கள் குறிப்பிடுகிறார்கள். இது ஒரு தனி இனமல்ல.

இலங்கையின் காடுகளில் இருந்து அவ்வப்போது பல கருப்பு புலிகள் பதிவாகியுள்ளன. பிட்டதெனிய மபிள்தெனிய சூழவுள்ள பகுதியில் பொறியில் சிக்கி உயிழந்த புலியே இறுதி கருப்பு புலி இனமாக இதற்கு முன்னர் பதிவாகியிருந்தது. இதற்கமைய இந்த புலியின் தோலினை பயன்படுத்தி கிரிதலே வனஜீவராசிகள் அருங்காட்சியகத்தில் கருப்பு புலியொன்று அமைக்கப்பட்டுள்ளது. இது இறுதி கருப்பு புலி என சாட்சியாக கருதப்பட்டு அமைக்கப்பட்டது.

டிரிபிள் சுற்றுச்சூழல் ஆராய்ச்சி நிறுவனம் வழங்கிய கமராக்கள் மற்றும் பிற உபகரணங்களைப் பயன்படுத்தி இந்த கண்டுபிடிப்பு செய்யப்பட்டதாக கால்நடை அறுவை சிகிச்சை நிபுணர் மலகா அபேவர்தன தெரிவித்தார். இலங்கையில் தற்போது சுமார் ஆறு கருப்பு

கருப்பு புலியென அழைக்கப்பட்டாலும், இவை சிறுத்தை வகையை சேர்ந்தவையாகும். வன்னிக்காடுகளில் ஏற்கனவே கருப்பு புலிகள் காணப்பட்ட பல சம்பவங்கள் பதிவாகியுள்ளன.

Loading...

LEAVE A REPLY

Please enter your comment!
Please enter your name here